ایراننینگ کابلدهگی اېلچیلیگی مملکتی تشقی ایشلر وزیرلیگی اۉرین باسری کاظم غریبآبادی طالبلرنینگ قوم، قبیله و چېگرهلر بۉییچه وزیری نورالله نوری بیلن اوچرهشیب همکارلیکلر بارهسیده بحث قیلگنلرینی اعلان قیلدی.
اوشبو اېلچیلیک بوگون (دوشنبه ۵ عقرب) بیر اعلامیه نشر قیلیب، مذکور اوچرهشووده هر ایکّی تامان چېگره بۉییچه همکارلیک سطحی آشیریلیشی اوچون تیار اېکنلیکلرینی معلوم قیلگنلر.
ایران تشقی ایشلر وزیرلیگی اۉرین باسری و طالبان چېگره وزیری هر ایکّی مملکت اۉرتهسیدهگی چېگره بېلگیسی پروژهسینی یېتّی ییلدن سۉنگ قیته باشلهگنلیکلری اوستیده هم کېلیشگنلر.
اولر افغانستان و ایران چېگرهسینی «دوستلیک و ایناغهلیک چېگره سی« دېب، «مجاز بۉلمهگن هر قندهی اۉتیب قیتیش، انسان و مخدر ماده قاچاقینینگ» آلدی آلینی خصوصیده علیحده تاکیدلهگنلر.
ایران تشقی ایشلر وزیرلیگینینگ خلق ارا حقوقی ایشلر بۉییچه اۉرن باسری کاظم غریبآبادی تیناوون بیر هیات باشچیلیگیده کابل کېلگن اېدی.
غریبآبادی بوندن آلدین طالبان فرمانلر واحکاملرینی کوزهتیش و نظارت اېتیش ادارهسی باشلیغی شمسالدین شریعتی بیلن قضایی و حقوقی همکارلیک اوستیده صحبت آلیب بارگن اېدی.
