بیرلشگن ملتلر تشکیلاتینینگ انسانپرورلیک یاردملرنی موافقلشتیریش باشقرمهسی سۉنگّی اوچ ییلدن کمراق وقت ایچیده ۶ میلیوندن آرتیق مهاجر افغانستانگه قَیتگنینی بیلدیریب، کۉپلب عایلهلر اوچون اویگه قَیتیش ینگی کورهش نینگ باشلنیشی بۉلهیاتگنینی تأکیدلهدی.
مذکور تشکیلات بوگون (شنبه،۳۰ جوزا) جهان قاچقینلر کونی مناسبتی بیلن ایکس اجتماعي ترماغیده نشر قیلگن بیاناتیده، قَیتگن عایلهلرنینگ اکثریتی خدمتلر چېکلنگن و اساسي امکانیتلردن اوزاق بۉلگن جماعهلرگه قَیتهیاتگنینی یازدی.
اوچا بیاناتیده شوندهی دېییلهدی: «اوشبو جهان قاچقینلر کونیده اولرنینگ یانیده تورینگ و حیاتلرینی قَیته تیکلش همده جمعیتگه قَیته قۉشیلیشلری جریانینی قۉللب-قوّتلنگ.»
خلقارا مهاجرت تشکیلاتی معلوماتلریگه کۉره، ۲۰۲۳-ییل سپتامبریدن بویان۶ میلیوندن آرتیق افغانستان مهاجری پاکستان و ایراندن چیقریلیب یاکه قَیتیب، افغانستانگه کېلگن.
مهاجرلرنینگ کېنگ کۉلمده قَیتیشی افغانستانده اولرنی جمعیتگه قَیته ماسلشتیریش و اوزاق مدتلی برقرارلیکنی تأمینلش بارهسیده جدّي معمالرنی یوزهگه کېلتیرگن. نتیجهده قَیتیب کېلگنلر تورلی اقتصادي و اجتماعي قیینچیلیکلرگه دوچ کېلماقده.
