طالبلر ایچکی ایشلر وزیرلیگی هرات صنعت شهرچهسیدهگی ایشلب چیقریش کارخانهلریدن بیریده یوز بېرگن یانغین عاقبتیده قریب ۲۰ میلیون افغاني مقداریده مادّي ضرر یېتگنینی معلوم قیلدی.
طالبلر ایچکی ایشلر وزیرلیگی مطبوعات سۉزلاوچیسی عبدالمتین قانع نینگ بیان قیلیشیچه، یانغین بوگون (شنبه،۳۰جوزا) تانگی ساعت۳:۱۲ده صنعت شهرچهسی نینگ ایکّینچی باسقیچیده جایلشگن «نور آریانا» ایشلب چیقریش کارخانهسیده باشلنگن.
اونینگ ایتیشیچه، کاغذ و کارتن محصولاتلری ایشلب چیقرهدیگن اوشبو کارخانه تخمیناً۲۰ میلیون افغاني ضرر کۉرگن.
قانع گه کۉره، هرات یانغین اۉچیریش خدمتی حادثهگه تېزکار ارهلشیب، یانغیننی نظارت آستیگه آلگن. نتیجهده تدبیرکارلرگه تېگیشلی قیمتی۶۵۰ میلیون افغانيدن آرتیق مال-ملک نینگ یانیب کېتیشی آلدی آلینگن.
شونینگدېک، اوشبو حادثه عاقبتیده قربانلر یاکه جراحتلنگنلر قید اېتیلمهگن.
یانغین نینگ کېلیب چیقیش سببی حاضرچه رسماً اعلان قیلینمهگن.
