ایراننینگ کابلدهگی اېلچیخانهسی، اېران تشقی ایشلر وزیرلیگینینگ اۉرینباسری کاظم غریبآبادی افغانستانگه سفری چاغیده «فرمان و حکملر اجراسینی نظارت قیلیش اداره » باشلیغی شمسالدین شریعتي بیلن اوچرهشیب، صحبت قیلگنینی معلوم قیلدی.
اېلچیخانه بوگون (یکشنبه ۴ عقرب) ایکس صحیفهسیده یازیشیچه، اوچرهشووده ایکّی مملکت اۉرتهسیدهگی قضایی حقوقي همکارلیک مسألهلری بحث قیلینگن.
ایران اېلچیخانهسینینگ قۉشیمچه قیلیشیچه، تامانلر محکوملرنی تاپشیریش، جنایتچیلرنی قَیتریش همده ایران وطنداشلری بۉلگن قماقدهگی شخصلرنینگ قنسولی حقوقلری بۉییچه هم صحبتلشیب، معین کېلیشوولرگه اېریشگن.
بیراق اېلچیخانه بو کېلیشوولرنینگ تفصیلاتلرینی آشکار اېتمهگن.
ایران تشقی ایشلر وزیرلیگینینگ حقوقي و خلق ارا مسألهلر بۉییچه اۉرینباسری کاظم غریبآبادی بوگون اېرتهلب هیاتگه باشچیلیک قیلیب کابلگه کېلگن.
طالبان حاکمیتگه قَیتگچ، ایران اۉنلب افغانستانلیک مجرملرنی اوشبو گروهگه تاپشیریب، اولرنینگ قالگن جزا مدتلرینی طالبان نظارتیدهگی قماقخانهلرده اۉتهشلریگه امکان بېرگن.
ایران طالباننینگ ایستهگیگه قرهمهی، اۉلیم جزاسیگه حکم قیلینگن افغانستان وطنداشلرینی قَیتریشدن باش تارتگن و یوزلب افغانستانلیک نینگ قتل حکمینی اجرا اېتگن.
