فاریاب و سمنگان ولایتلریده ۲۹-میزان، اۉزبېک تیلینینگ ملی کونی تورلی فرهنگی و مدنی برنامهلر یۉلگه قۉییلیشی بیلن نشانلندی.
بوگون (شنبه ۳عقرب) فاریاب و سمنگان ولایتیلریده یازوچیلر، فرهنگیلر، استادلر، آقسقاللر، یاشلر و یوزلب کیشی اشتراکیده ۲۹-میزان، اۉزبېک تیلینینگ ملی کون نشانلدی.
انه شو مناسبت بیلن اۉتکزیلگن محفلده چیقیش قیلیب نطق سۉزلهگن استادلر، فرهنگیلر، شاعرلر و یازوچیلر افغانستانده اۉزبېک تیلی و فرهنگینینگ چوقور ایلدیز اوستیده تۉختهلیب گپیردیلر.
فاریاب ولایتیده سۉزگه چیقیننلر اۉزبېک تیلینینگ حاضرگی وضعیتیده بارهسیده اشاره قیلیب، مکتبلرده اۉزبېک تیلی مضمون اۉزبېک تیلی و ادبیاتینی اۉقیگن اۉقیتوچیلر آرقلی تدریس بۉلیشی و اۉزبېک تیلینی رواجلهنتیریش اوچون مطبوعات و یېتکرمهدهلرده بو تیلنینگ اشتراک درجهسینی ینه – ده آشیریش خصوصیده اعتبار قرهتیلیشینی حقیده تاکیدلهدیلر.
شوکبی چیقیش قیلگنلر بوندهی محفللر اۉتکزیلیشی یېریک اهیمتی بارلیگی اوستیده تۉختهلیب، اۉزبېک شاعرلری همده یازوچیلرینینگ اثرلری چاپ اېتیلیشی خصوصیده تېگیشلی ادارهلر توجه قیلیشی بارهسیده علحیده اورغولهدیلر.
شونینگدېک سمنگان ولایتیده اۉتکریلگن محفلده نطق سۉزلهگنلر تورلی بهانهلر بیلن بو قبیل فرهنگی و مدنی برنامهلر اۉتکزیلیشینینگ اهمیتی بارهسیده گپیردیلر. اولرنینگ ایتیشیچه، بو قبیل برنامهلر یالغوز اوزبېک تیلی رواجلهنیشیگه سبب بۉلمهیدی بلکه، حاضر اولاد اۉز فرهنگ و مدنیتی بیلن کۉپراق تانیشهدی دېدیلر.
محفلده تورلی خصوصی لیسهلر اۉقووچیلری آرقلی ترانهلر همده اۉزبېک تیلی ملی کونی مناسبتی بیلن تنلهگن گۉزل شعرلر اۉقیب اېشیتیریلدی.
اوشبو محفللرده اۉزبېکلر مدنیتیگه تېگیشلی آزیق آوقتلر، قۉل صنتعی، اوی بویوملری و قدیمگی اوسکونهلر کۉرستووگه قۉییلدی.
۲۹- میزان، اۉزبېک تیلینینگ ملی کونی مناسبتی بیلن هر ییل بیر هفته مملکتنینگ تورلی ولایتلری قۉشیمچه چېت اېلده یشاوچیلر اۉزبېکلر آرقلی ایریم فرهنگی و مدنی ییغینلر یۉلگه قۉییلیب نشانلنهدی.
