ایران ایچکی ایشلر وزیرلیگی نینگ چېت اېلّیک مهاجرلر ایشلری مرکزی باشلیغی نادر یاراحمدینینگ ایتیشیچه، افغان ایشچیلر اوچون بېریلهدیگن ایش ویزهلرینینگ عمل قیلیش مدتی تۉقّیز آی بۉلیب، بو مدتدن سۉنگ اولر اوزهیتیریلمهیدی.
ایرنا خبریگه کۉره نادر یاراحمدی بوگون (پنجشنبه، ۱عقرب) ویزهنینگ عمل مدتی توگهگچ، ویزه اېگهلریگه افغانستانگه قَیتیش و او یېرده اوچ آی قالیش طلب قیلینهدی دېگن.
اونینگ سۉزلریگه کۉره، اوشبو ویزهلرنی رۉیخطدن اۉتکزیش و اوزهیتیریش جریانلرینینگ برچهسی مخصوص الکترون تیزیم آرقهلی عملگه آشیریلهدی و ایش بېرووچیلر بو تیزیمده اۉز پروفایللرینی یرهتیشی کېرهک.
بوندن آلدین ایران تشقی ایشلر وزیرلیگی نینگ جَنوبي آسیا باشقرمسی مدیری محمد رضا بهرامي، افغانستانلیک ایشچیلر اوچون ۲۰۰ مینگته ایش ویزهسی بېریلیشی رېجهلشتیریلگنینی معلوم قیلگن اېدی.
شونینگدېک، اطران ایش بۉییچه وزیرینینگ اۉرینباسری سید مالک حسینی هم بو ویزهلرنی بېریش جریانی میزان آیینینگ بیرینچی کونیدن باشلنگنینی بیلدیرگن اېدی.
ایران رسميلری ویزهلر بېریش جریانی باشلنگنینی ایتهیاتگن بۉلسهلر-ده، حاضرده ایران نینگ اېلچیخانهسی و قونسوللیکلری افغانستان وطنداشلریگه ویزه بېرمهیپتی.
اطران حکومتی افغان مهاجرلر اوچون اختیاري چیقیب کېتیش مدتی توگهگنیدن سۉنگ، افغان وطنداشلری اوچون عادي ویزه بېریش جریانینی تۉختهتگن.
