منبعلر سرپل ولایتیده قوراللنگن اۉغریلر ولایت مرکزیده جایلشگن بیر طلا دکانیگه هجوم قیلیب، دوکان اېگهسینی یرهلنتیریب و بیر مقدار طلانی اۉغیرلشگنینی بیلدیرماقدهلر.
اطلاعات روزگه معلوم قیلینیشیچه، واقعه کېچ (چهارشنبه، ۲۹ میزان) ساعت ۱۲:۳۰ اطرافیده سرپل شهرینینگ طلا بازاری کۉچهسیده صادر بۉلگن.
منبع، اوچ نفر قوراللنگن اۉغری دکانگه باستیریب کیرگن، بیرینچیدن دکان اېگهسیگه اۉق اوزگن، سۉنگره طلا بویوملرنی تالان-تاراج قیلینگنینی قۉشیمچه قیلدی.
معلوماتلرگه کۉره، دکان اېگهسی ۲۲ یاشلی ییگیت هارون آغیر یرهلنگن و حاضر کوماده یاتیبدی. اۉق اونینگ قارنیگه تېککن.
دوکاندهگی خوفسیزلیک کامرهلری یازویده اۉغریلردن بیری قۉلیده «کَلاشنیکوف» اوشلب تورگنی کۉرینهدی.
منبع کۉپهیتیریشیچه، اۉغیرلنگن طلا قیمتی ۲۰ مینگدن ۳۰ مینگ امریکا دالریگچه بۉلیشی ممکن.
اۉغریلر واقعه جاییدن قاچیب کېتگن، حاضرچه اولرنینگ ایزلری تاپیلمهگن.
طالباننینگ سرپلدهگی محلي مسووللری بو واقعه یوزهسیدن حاضرچه هېچ قندهی ایضاح بېرمهگنلر.
طالبلر مملکتده «تۉلیق خوفسیزلیک»نی تأمینلهگنلیکلرینی دعوا قیلهیاتگن بۉلسهلر-ده، قوراللی اۉغیرلیکلر و سِرلی قاتللیکلر هنوز دوام اېتماقده.
