طالبان عدلیه وزیرلیگینینگ اعلان قیلیشیچه، تارتیب آلینگن یېرلر بۉییچه مخصوص محکمه ننگرهار ولایتینینگ سرخرود اولسواللیگیده جایلشگن «سید گیلانی شهرچهسی»نی «امارت ملکی» دېب تن آلگن. محکمه، اوشبو شهرچهده یېر ساتیب آلگن شخصلر اېندی یېر ساتووچیلریگه مراجعت قیلیشلری کېرهک دېگن.
وزیرلیک نینگ بوگون (چهارشنبه، ۳۰ میزان) اعلان قیلگن بیاناتیگه کۉره، بو شهرچه بېیش مینگ ۶۴۰ جیریب یېر میدانینی اۉز ایچیگه آلهدی.
بیاناتده ایتیلیشیچه، مخصوص محکمه حجتلر، دلیللر، کۉچمس ملک املاکی یازوولری و تېگیشلی ادارهلردن آلینگن معلوماتلرنی باتفصیل اۉرگنیب چیقیب، اوشبو یېرنینگ دولت تامانیدن ساتیب آلینگنی اثباتلنمهگنینی انیقلهگن. شو سبب محکمه «سید ااسحاق گیلانی شهرچهسی»دهگی برچه یېرلرنی امارت ملکی دېب اعلان قیلگن.
محکمه شونینگدېک، یېر اېگهلری اساسا خریدارلر اۉز یېرلرینی شخصي ساتووچیلردن ساتیب آلگنینی انابتگه آلیب، ضررنی قاپلش اوچون ساتووچیگه مراجعت قیلیش حقوقیگه اېگه اېکنلیکلرینی بیلدیرگن.
طالباننینگ اوشبو مخصوص محکمهسی بوندن آلدین هم سرخرود اولسواللگیده «حاجی قدیر شهرچهسی» نینگ بیرمینگ ۲۳۲، جیریب یېرینی امارت ملکی دېب اعلان قیلگن اېدی.
مذکور یېرلر فتحآباد و خیر آباد منطقهلریده جایلشگن. معلوماتلرگه کۉره، سابق پارلمان اعضالری ظاهر قدیر و سید اسحاق گیلانی اوشبو یېرلرنینگ شریک اېگهلری بۉلگنلر.
