کابلدهگی اسلام همکارلیک تشکیلات ادارهسینینگ معلوم قیلیشیچه، اولر «اسلام بیردملیک جمغرمهسی» بیلن افغانستاننینگ شرقي ولایتلریده زلزلهدن جبرلنگنلرگه مالی یاردم کۉرسهتیش بۉییچه همکارلیک بیتیمی امضالهگن.
ادارهنینگ بوگون (سهشنبه، ۲۹ میزان) اعلان قیلگن بیاناتیده ایتیلیشیچه، بو یاردم افغانستان قیزیل یریم آی جمعیتی بیلن همکارلیکده جبرلنگنلرگه یېتکزیلهدی.
بیاناتده: «اوشبو مالیوي یاردم اسلام بیردملیک جمغرمهسینینگ انسانپرورلیک سعی-حرکتلرینینگ بیر قِسمی بۉلیب، او اسلام عالمی خلقلرینی قۉللب-قوّتلش بارهسیدهگی یوکسک مسوولیت دایرهسیده، دوام اېتهیاتگن مهاجرلر بحرانی شرایطیده ثمرهلی بیردملیک و بیرگهلیکدهگی جوابنی تأمینلش مقصدیده تقدیم اېتیلماقده» دېیلگن.
اما تشکیلات اجرهتیلهدیگن مبلغ مقدارینی آشکار قیلمهگن. تخمیناً بیر یریم آی آلدین صادر بۉلگن ۶ رشتر زلزله افغانستاننینگ شرقینی لرزهگه سالگن اېدی. اېنگ کۉپ تلفات و ضرر کنر ولایتیده قید اېتیلگن.
بیرلشگن ملتلر تشکیلاتی معلوماتیگه کۉره، بو زلزلهده بیرمنگ ۹۹۲ کیشی هلاک بۉلگن، اوچ مینگ ۶۳۱ کیشی جراحت آلگن، آلتی مینگ ۳۱۲ کیشی اوی ویران بۉلگن و ینه ایکّی مینگ ۱۷۷ اوی زیان کۉرگن.
