پاکستان یېتکرمهلرینینگ خبر بېریشیچه، مملکت نینگ یوقاری درجهلی هیاتی بوگون، سهشنبه، ۲۹-میزانده طالبان بیلن چېگره باشقرووی و سودا مسألهلرینی محاکمه قیلیش اوچون کابلگه سفر قیلهدی.
دنیا نیوزنینگ خبریگه کۉره، اوشبو هیئتنینگ کون ترتیبیگه «یگانه حجت رژیمی» مسألهسی همده چېگره نظارتی، سودا همکارلیگی و چېگره اۉتیش تیزیملرینی یخشیلش چارهلری کیریتیلگن.
هیئت سفری آلدیندن رېجهلشتیریلگن بۉلیب، یقینده یوز بېرگن تۉقنهشوولر و چېگره اۉتیش یۉللرینینگ یاپیلیشی بیلن باغلیق اېمسلیگینی معلوم قیلیب یازگن دنیا نیوز.
دنیا نیوز، هیئت طالبان بیلن تورلی اوچرهشوولر اۉتکزیشی و ایکّی تامانلهمه همکارلیکنی مستحکملش همده اۉز ارا ایشانچنی آشیریشگه اعتبار قرهتیشی ممکنلیگینی بیلدیرگن.
حاضرگچه پاکستان و طالبان رسميلری اوشبو سفرنی رسمي تصدیقلهمهگن.
اوشبو سفر طالبان و پاکستان اۉرتهسیده درحال آتیش کېسین بیتیمی امضالنگنیدن ایکّی کون کېین عملگه آشیریلماقده.
بیر هفتهلیک تۉقنهشوولر و ترنگلیک آرتیدن، قطر و تورکيه واسطهچیلیگیده تامانلر آتیش کېسین بیتیمی امضالهگن. یقینده یوز بېرگن تۉقنهشوولر نتیجهسیده برچه چېگره اۉتیش یۉللری یاپیلگن و ایکّی دولت اۉرتهسیدهگی سودا همده آدملر باریب کېیلیشی تۉختهتیلگن.
