محلي منبعلرنینگ معلوم قیلیشیچه، ننگرهار ولایتینینگ کامه اولسواللیگیده یوز بېرگن ترافیک حادثهسی عاقبتیده ایکّی کیشی جان بېرگن ینه بېش کیشی یرهلنگن.
منبعلرگه کۉره، حادثه بوگون (دوشنبه، ۲۵ جوزا) ساعت تخمیناً ۱۰:۰۰ اطرافیده کامه اولسواللیگی نینگ «شینکی غوندی» حدودیده یوز بېرگن.
دستلبکی معلوماتلرگه قرهگنده، «هینو» روسومیدهگی یوک موتری ایکّی ته سه چرخه ترانسپورت واسطهسی بیلن تۉقنهشگن.
حادثه نینگ انیق سببلری حاضرچه معلوم اېمس.
افغانستانده ترافیک حادثهلری هر ییلی یوزلب انسانلرنینگ حیاتیگه ضامن بۉلیب، ینه یوزلب کیشیلرنینگ جراحتلنیشیگه سبب بۉلماقده.
متخصصلر و رسميلر بوندهی حادثهلر نینگ اساسي سببلری صفتیده هیداوچیلرنینگ احتیاطسیزلیگی، یۉللرنینگ ناساز حالتی همده یۉل بېلگیلری نینگ یېتیشمسلیگینی کۉرسهتیب کېلهدی.
