تورکيه جمهور رییسی رجب طیب اردغان تامانلرنی کېسکین بیاناتلر و تحرکآمیز حرکتلردن تيیلیشگه همده یکوني کېلیشوو امضالنیشیگه تهدید سالیشی ممکن بۉلگن احتمالي سبوتاژلرگه قرشی هوشیار بۉلیشگه چقیردی.
اردغان بیاناتیده شوندهی دېدی: «مېن احتمالي سبوتاژلرگه قرشی هوشیار بۉلیش و کېلیشوو امضالنیشی عرفهسیده کېسکینلیکنی کوچهیتیرهدیگن بیاناتلر همده تحرکآمیز حرکتلردن تيیلیش ضرورلیگینی قطعي تأکیدلهیمن.»
او امریکا و ایران اۉرتهسیده اېریشیلگن کېلیشوونی آلقیشلب، اونی «منطقهده تینچلیک و آسایشتهلیکنی تأمینلش یۉلیدهگی مهم قدم» دېب بهالهدی.
اردغاننینگ ایتیشیچه، «بوتون دنیا اوزاق وقتدن بېری منطقهمیزده برقرار تینچلیک و خوفسیزلیک اۉرنهتیلیشیگه یاردم بېرهدیگن شوندهی خبرنی کوتهیاتگن اېدی.»
او ینه تورکيه منطقهده تینچلیک، برقرارلیک و آسایشتهلیکنی تأمینلشگه قرهتیلگن برچه سعی-حرکتلرنی، شونینگدېک دیپلوماتيک و خلقارا حقوققه اساسلنگن برقرار یېچیملرنی قۉللب-قوّتلشده دوام اېتیشینی تأکیدلهدی.
