طالبلر تعقیقلاوچی سیاستینی دوام اېتتیریب، مکتبلرده سمارت فونلردن فایدهلنیشنی منع اېتگن و عقللی تیلفون آلیب یورگن اۉقیتووچیلر همده تعلیم خادملری ایشدن بۉشهتیلیشی ممکنلیگی حقیده آگاهلنتیرگن.
اطلاعات روز نشری قۉلگه کیریتگن اودیو یازووده تعلیم ساحهسی مسووللریدن بیری شنبه کونیدن باشلب اۉقیتووچیلر و برچه معارف خادملری اوچون مابیل تیلفونلردن فایدهلنیش تعقیقلنیشینی بیلدیرهدی.
منبعلرگه کۉره، اوشبو آواز بلخ ولایتیدهگی معارف تیزیمی خادملریدن بیریگه تېگیشلی.
اونینگ ایتیشیچه، طالبلر سمارت فون آلیب یورگن شخصلر محکمهگه تاپشیریلیشی، تیلفونلری سیندیریلیشی و اۉزلری خدمتدن چېتلهتیلیشی ممکنلیگینی معلوم قیلگن.
طالبلر آلدینراق هم حربي و ملکی ادارهلریده سملرت فونلردن فایدهلنیشنی تعقیقلهگن اېدی. خبرلرگه کۉره، بو تعقیق طالبان رهبری هبتالله آخوندزاده نینگ کۉرستمهسی اساسیده جاري اېتیلگن.
مذکور کۉرسهتمهگه عمل قیلگن اَیریم طالبلر اعضالری اۉزلرینینگ سمارت فونلرینی سیندیریب تشلهگنی هم ایتیلماقده.
بو قرار مملکتده علاقه واسطهلری و رقملی تکنالوژيلردن فایدهلنیشگه قۉییلگن چېکلاولر نینگ ینه بیر کۉرینیشی صفتیده بهالنماقده.
