بیرلشگن ملتلر تشکیلاتی نینگ انسانپرورلیک یاردملرینی موافقلشتیریش ادارهسی (اوچا) نینگ معلوم قیلیشیچه، سویدن افغانستانگه قریب۳ میلیون امریکا دالری مقداریده یاردم اجرهتگن.
اوچانینگ افغانستاندهگی نمایندهلیگی بوگون (یکشنبه،۲۴جوزا) ایکس اجتماعي ترماغیده نشر قیلگن خبریده سویدن حکومتیگه اوشبو یاردم اوچون منّتدارچیلیک بیلدیرگن.
اوچانینگ معلوماتیگه کۉره، سویدن «افغانستان انسان پرورلیک جمغرمهسی»گه 28 میلیون کرون، یعنی۲.۹۹میلیون امریکا دالری مقداریده مبلغ اجرهتگن.
تشکیلات نینگ تأکیدلشیچه، اوشبو مبلغلر «آلدینگی صفده فعالیت یوریتهیاتگن همکارلرگه افغانستان بۉیلب یوزهگه کېلهدیگن فوق العاده وضعیتلرگه تېزکار جواب بېریش امکانینی بېرهدی».
بیرلشگن ملتلر تشکیلاتی معلوماتلریگه کۉره، جاري ییلده افغانستانده۲۲میلیون کیشی انسان پرورلیک یاردمگه محتاج.
افغانستاندهگی انسانی وضعیتگه جواب قَیتریش اوچون بمت۱.۷۱میلیارد امریکا دالری مقداریده مبلغ سۉرهگن اېدی. بیراق ییل نینگ دستلبکی بېش آییده ضرور مبلغ نینگ اتیگی۱۶ فایزی تأمینلنگن.
مالیهلشتیریشدهگی اوشبو کمچیلیک افغانستاندهگی میلیونلب اهالیگه یاردم کۉرسهتیش دستورلری نینگ عملگه آشیریلیشیگه جدّي تأثیر کۉرسهتیشی ممکن.
