اروپا اتفاقینینگ تشقی علاقهلر بۉییچه مطبوعات انور العنونی، هراتنینگ جبریل منطقهسی اهالیسینینگ ناراضیلیک نمایشلری باستیریلگنی همده طالبان تامانیدن عیاللرنینگ اۉزباشیمچهلیک بیلن حبسگه آلینیشینی قارهلهدی.
او بوگون (پنجشنبه، ۲۱-جوزا) ایکس اجتماعي ترماغیدهگی صحیفهسیده شوندهی یازدی: «بیز هراتده حددن تشقری کوچ ایشلهتیلیشینی و کيینیش قاعدهلرینی بوزگنلیک بهانهسی بیلن عیاللرنینگ اۉزباشیمچهلیک بیلن حبسگه آلینیشینی قارهلهیمیز.»
اروپالیک عملدار طالبان خلقارا انسان حقوقلری بۉییچه مجبوريتلریگه، جملهدن تینچ نمایش اۉتکزیش حقوقیگه حرمت بیلن یاندهشیشی کېرهکلیگینی تأکیدلهدی.
او، شونینگدېک، اروپا اتفاقی افغانستان عیاللری بیلن بیردم اېکنینی بیلدیردی.
دوشنبه کونی هراتنینگ جبریل منطقهسی اهالیسی طالبان تامانیدن عیاللر و قیزلرنینگ اۉزلری مقبول دېب بیلگن کيینیش قاعدهلریگه رعایه قیلمهگنی اوچون حبسگه آلینهیاتگنیگه قرشی ناراضیلیک نمایشی اۉتکزگن اېدی.
طالبان جنگچیلری اوشبو تینچ نمایشنی اۉق اوزیش و نمایشچیلرنی کلتکلش آرقهلی ترقهتیب یوبارگن.
طالباننینگ اۉق آتیشی عاقبتیده کمیده بیر کیشی هلاک بۉلگن، ینه بیر نېچه کیشی یرهلنگن.
