بیرلشگن ملتلر تشکیلاتینینگ افغانستاندهگی یاردم ادارهسی (یوناما) سۉنگّی پیتلرده پاکستان تامانیدن کنر، خوست و پکتیکا ولایتلریگه اویوشتیریلگن هجوملرده کمیده۱۳ کیشی تینچ اهالی اۉلدیریلگنینی معلوم قیلدی.
یوناما بوگون (۲۱-جون، پنجشنبه) ایکس اجتماعي ترماغیده اوشبو تشکیلات۱۳ کیشی تینچ اهالینینگ اۉلیمی و ینه۱۰کیشی نینگ یرهلنگنینی حجتلشتیرگنینی یازدی.
یوناما نینگ قۉشیمچه قیلیشیچه، سهشنبه آقشامیده پاکستان حربيلری تامانیدن عملگه آشیریلگن هوا هجوملریده قربانلر نینگ اکثریتینی عیاللر و بالهلر تشکیل اېتگن.
طالبلر مطبوعات سۉزلاوچیسی ذبیحالله مجاهد هم کمیده۱۳ کیشی، جملهدن ۱۱باله، بیر عیال و بیر نفر وایهگه یېتگن اېرکک هلاک بۉلگنی، ینه۱۴ نفر عیال و باله یرهلنگنینی ایتگن اېدی.
بیراق پاکستان اخبارات و نشرات وزیری عطاءالله تارر کېچه پاکستان اوردوسی افغانستاندهگی «فتنه الخوارج» (تیتیپی) نینگ یشیرین مسکنلری و خوفسیز باشپناهلریگه ضربه بېرگنینی، نتیجهده تیتیپی نینگ۲۶ نفر اعضاسی اۉلدیریلگنینی معلوم قیلگن اېدی.
