طالبلرنینگ پنجشیر ولایتی والیسی ادارهسی اوشبو ولایت کانلریدن قزیب آلینگن۱۱ مینگ۸۴۲ قیراط زمرد۴میلیون۷۷۰ مینگ افغانيگه ساتیلگنینی معلوم قیلدی.
طالبلر والیسینینگ مطبوعات سۉزلاوچیسی سیفالدین لتوننینگ ایتیشیچه، اوشبو مقداردهگی زمرد بوگون (سهشنبه،۱۹ جوزا) ایچکی سوداگرلرگه آچیق سودا آرقهلی ساتیلگن.
اونینگ قۉشیمچه قیلیشیچه، مذکور زمردلر سۉنگگی ایکّی هفته دوامیده پنجشیرنینگ حصهای اوّل اولسواللیگی کانلردن قزیب آلینگن.
طالبلر افغانستانده حاکمیتنی قَیته قۉلگه کیریتگنیدن بویان پنجشیرنینگ زمرد کانلرینی منتظم روشده قزیب آلیب، محصولاتلرینی ساتیب کېلماقده.
شونینگدېک، اوشبو گروه پنجشیردهگی یاقوت، بیروج، گرینگارنت و طلا کانلرینی هم اۉزلشتیرماقده.
طالبلر تامانیدن مملکت طبيعي بایلیکلرینینگ قزیب آلینیشی کېنگ تنقیدلرگه سبب بۉلگن. بیر قطار سیاسي گروهلر طالباننی افغانستان کانلرینی «تالان-تاراج قیلیش»ده عیبلهماقده.
