محلي منبعلرنینگ معلوم قیلیشیچه، ننگرهار ولایتینینگ «کوز کنر» اولسواللیگیده بیر قیز و ییگیت «سېوگی مناسبتی»ده بۉلگنلیک عیبلاوی بیلن قیزنینگ اکهسی تامانیدن آتیب اۉلدیریلگن.
منبعلرگه کۉره، حادثه اۉتگن هفته پنجشنبه کونی (۱۴ جوزا) «کوزکنر» اولسواللیگینینگ «بازارک» منطقهسیده صادر بۉلگن.
اولرنینگ ایتیشیچه، قیز و ییگیت اویدن قاچیب کېتیشنی رېجهلشتیرگن، بیراق قاچیشگه اولگورمسدن قیزنینگ اکهسی تامانیدن اۉلدیریلگن.
منبعلرنینگ بیلدیریشیچه، واقعهدن سۉنگ ایکّی عایله اۉرتهسیده کېسکینلیک یوزهگه کېلگن و ماجرا چیقیش خوفی پیدا بۉلگن. بیراق محلي آقسقاللر واسطهچیلیگی بیلن تۉقنهشوونینگ آلدی آلینگن.
طالبلرنینگ ننگرهاردهگی امنیه قوماندانلیگی مطبوعات سۉزلاوچیسی سید طیب حماد هم قیز و ییگیت نینگ اۉلدیریلگنینی تصدیقلهگن.
اونینگ سۉزلریگه کۉره، اوشبو حادثه یوزهسیدن بیر گماندار قۉلگه آلینگن و تېرگاو دوام اېتماقده.
افغانستان نینگ باشقه ولایتلریده هم اوّل بوندهی «ناموس قاتللیکلری» حقیده خبرلر ترقهلگن، بیراق بو توردهگی جنایتلر بۉییچه انیق ستاتیستیکه موجود اېمس.
