دانمارک باش وزیری مته فردریکسن، ینگی حکومت کابینهسیگه افغانستانلیک کېلیب چیقیشگه اېگه بۉلگن سمیرا نوانی اقلیم، انرژی و رفاهی خدمتلر بۉییچه وزیری اېتیب تعیینلهدی.
دانمارک باش وزیری ادارهسینینگ معلوم قیلیشیچه، مملکت وزیرلر کابینهسینینگ ینگی ترکیبی بوگون (چهارشنبه،۱۳جوزا) بو مملکت پادشاهسیگه تقدیم اېتیلگن.
سمیرا نوا ۱۹۸۸-ییلده دنياگه کېلگن. اونینگ آته-آنهسی ۱۹۸۶-ییلده افغانستاندن دانمارکگه کۉچیب کېلگن اېدی.
سمیرا نوا دانمارکنینگ سوسیال لیبرال حزبی پارلمان اعضاسی حسابلنهدی. او بوندن اوّل هم بیر قطار مسوول لوازملرده، جملهدن، حزبنینگ پارلمان گروهی رئیسی اۉرینباسری صفتیده فعالیت یوریتگن.
