ارزگان ولایتی ساغلیقنی سقلش منبعلری مذکور ولایتده بالهلر فلج کسللیگی یا پولیونینگ مثبت بیر موردی ثبت بۉلگنی حقیده خبر بېردیلر.
چوزه اولسواللیگینینگ لنگر منطقهسیده سکّیز آیلیک بیر قیز پولیوگه یولیققنلیگینی ایتگن منبع.
منبعلرنینگ معلوماتیگه قرهگنده، ارزگان ساغلیقنی سقلش ریاستینینگ صحی بیر تیمی منطقهنی کۉزدن کېچیریب تېکشیرگندن سۉنگ، شبههلی ایکّی مورد دن بیرینی تصدیقلهگنلر.
منبعنینگ ایتیشیچه، بالهسی فلج کسللیگیگه یولیققن عایله بوندن آلدین فرزندلرینی پولیوگه قرشی اېملش دستوریگه قرشیلیک کۉرستگن.
صحی بیر منبعنینگ قۉشیمچه قیلیشیچه، اوشبو مورد ثبت اېتیلیشی بیلن ۲۰۲۵ییلده مملکت بۉیلب پولیونینگ مثبت موردی تۉقیزتهگه یېتگن.
منبع، جاری ییلده بیر مورد ارزگان، اوچ مورد هلمند، بیر مورد بادغیس، بیر مورد هم نورستان، ایکّی مورد پکتیکا و بیر مورد اېسه فراه ولایتلریده ثبت بۉلگن دېب ایتدی.
اوشبو منبعنینگ کۉپهیتیریشیچه، ۲۰۲۵- ییلده کمیده پولیونینگ ۵۵ محیطی موردی افغانستانده بېلگیلنگن.
حاضرگی کونده دنیا بۉیلب فقط افغانستان و پاکستان بالهلر فلج کسللیگی صفر بۉلمهگن مملکتلردن حسابلنهدی.
جاری ییلده مذکور ایکّی مملکتده پولیونینگ ۳۸ مثبت موردی ثبت اېتیلدی.
