غزنیده طالبلرنینگ امر به معروف و نهی از منکر ادارهسی، مذکور ادارهنینگ مامورلری اوشبو ولایت اندر اولسواللیگیده یاشلرنینگ میله و هاردیق چیقاریشینی نظارت قیلیب و موسیقی اوسکونهلرینی مصادر قیلگنینی معلوم قیلدی.
اداره بوگون (یکشنبه، ۱۰ جوزا) اعلان قیلگن بیاناتگه کۉره، اندر اولسواللیگیدهگی جماعت باغیده دَم آلهیاتگن یاشلردن ۱۴ دانه دایره، ۸ ته موسیقی اجرا اېتووچی ام پی تری قوریلمهسی و ۱۵ ته لدو اۉیین تختهسی مصادره قیلینگن.
طالبلرنینگ غزنیدهگی امر به معروف و نهی از منکر ادارهسی اوشبو واقعه یوزهسیدن بیرار شخصنینگ حبسگه آلینگن یاکه آلینمهگنی حقیده معلومات بېرمهگن.
طالبان اوّل هم مملکت نینگ تورلی ولایتلریده موسیقی اسبابلری و کۉنگیلآچر واسطهلرنی مصادره قیلیب، یاقیب یوبارگن اېدی.
شونینگدېک، بو گروه کۉپلب حاللرده یاشلرنی موسیقی تینگلش یاکه اجرا اېتیشده عیبلب، حبسگه آلگن و قماققه تشلهگن.
