روسيهنینگ داروسازلیک فارماسینتز گروهی طالبلرنینگ ساغلیقنی سقلش وزیرلیگی بیلن اېریشیلگن کېلیشوودن سۉنگ افغانستانگه دارو واسطهلری یېتکزیب بېریشنی جاري یاز موسمیده باشلشینی معلوم قیلدی.
معلوماتلرگه کۉره، فارماسینتز محصولاتلرینینگ ایلک یوکلری یقین ایکّی آی ایچیده افغانستان بازاریگه یوباریلهدی.
شرکتنینگ تجارت بۉییچه مدیری اۉرینباسری نیکیتا پونیا شوندهی دېدی؛ «روسيهده ایشلب چیقریلگن دارو واسطهلریگه طلب یوقاری اېکنینی کوزهتماقدهمیز و افغانستانگه یېتکزیب بېریشنی داروسازینتز گروهینینگ منطقهدهگی اشتراکینی مستحکملش یۉلیدهگی مهم قدم دېب بیلهمیز.»
قَیسی توردهگی دارو واسطهلری یېتکزیب بېریلیشی حاضرچه آچیقلنمهگن.
داروسازینتز حاضرده۱۳ مملکتگه، جملهدن منفعتلری مشترک بۉلگن اولکهلر، سوریه، میانمار و دومینیکن جمهوریتیگه دارو محصولاتلرینی صادر قیلهدی.
مذکور شرکت آیو/آیتس، سیل، قند و سرطان کسللیکلرینی دوالش اوچون مۉلجللنگن۱۳۰دن آرتیق دارو واسطهلرینی اوشبو مملکتلرگه یېتکزیب بېرماقده.
شونینگدېک، شرکت ۲۰۲۶-ییل دوامیده افغانستان، ونزوئلا، ویتنام، مراکش، بوسنی و هرزگوین، اکوادور و مالی بازارلریگه کیریشنی رېجهلشتیرماقده.
پاکستان چېگرهلری نینگ بیر نېچه بار یاپیلیشی آرتیدن افغانستانده دارو-درمان تأمیناتیده معمالر یوزهگه کېلگن بۉلیب، بو حالت دارو نرخلری نینگ آشیشیگه سبب بۉلگن.
