آلمانده یشاوچی بیر قنچه افغانستانلیکلر برلین شهریده افغانستان عیاللری و خلقینی قۉللب-قوّتلش مقصدیده ناراضیلیک نمایشی اۉتکزدیلر.
اولر اوشبو ییغیلیشدن مقصد افغانستان عیاللری و خلقینینگ آوازینی خلق ارا همجمعيتگه یېتکزیش اېکنینی بیلدیردیلر.
نمایشچیلر «نان، ایش، آزادلیک»، «طالبلرگه یۉق» و «جنسیتی آپارتایدگه یۉق» شعارلرینی کۉتریب، افغانستان عیاللری و خلقی اوچون اساسي حقوقلر، اېرکینلیک همده انساني قدر-قیمت تأمینلنیشینی طلب قیلدیلر.
اولر افغانستانده عیاللر حقوقلری، تعلیم آلیش حقوقی، ایش قیلیش حقوقی و مدنی اېرکینلیکلرینی قۉللب-قوّتلش ضرورلیگینی تأکیدلب، خلق ارا همجمعیتنی مملکتدهگی حاضرگی وضعیتگه نسبتاً سکوت سقلهمسلیککه چقیردیلر.
طالبلر افغانستان فقرالرینینگ، اینیقسه عیاللرنینگ حقوق و اېرکینلیکلریگه نسبتاً کېسکین چېکلاولر جاري قیلگن. حاضرگی پیتده عیاللر و قیزلر تعلیم آلیش همده ایشلش حقوقیدن محروم اېتیلگن.
سۉنگّی قریب بېش ییل دوامیده، خلق ارا همجمعیت نینگ طالبان سیاستیگه قرهتیلگن تنقیدلریگه قرهمهی، بو گروه اۉز چېکلاولرینی ینه-ده کوچهیتیریب بارماقده.
