جهان ساغلیقنی سقلش تشکیلاتینینگ افغانستاندهگی نمایندهسی ادوین سینیزا سلوادور بوتون جهان تنباکوسیز کون مناسبتی بیلن افغانستان اهالیسینی تنباکو محصولاتلرینینگ ضرریدن حمایه قیلیش عمومي مسوولیت اېکنینی تأکیدلهدی.
31-می بوتون جهان تنباکوسیز کون صفتیده نشانلنهدی. جهان ساغلیقنی سقلش تشکیلاتینینگ افغانستاندهگی نمایندهسی شو مناسبت بیلن یۉلهگن مراجعتیده تنباکونینگ اصل قیافهسینی آچیب بېریش افغانستان اوچون ساغلام کېلهجکنی تنلش اېکنینی قید اېتدی.
اونینگ تأکیدلشیچه، تنباکو صناعتی اوشبو محصولاتلرنینگ اۉلیمگه آلیب کېلووچی خوف-خطرلرینی الدمچی اصوللر و شیرین طعملر آرتیگه یشیریب کېلماقده.
ادوین سینیزا سلوادور شوندهی دېدی: «کېلینگ، بیرلشهیلیک، توتونسیز محیطلرنی یرهتهیلیک و هر بیر افغان نینگ حیاتینی حمایه قیلهیلیک.»
جهان ساغلیقنی سقلش تشکیلاتینینگ افغانستاندهگی وکالتخانهسی معلوماتلریگه کۉره، مملکتدهگی هر تۉرت نفر کتّه یاشلی کیشیدن بیری تنباکو استعمال قیلهدی. افغانستانده اېنگ کېنگ ترقهلگن تنباکو محصولاتی ناس یاکه توتونسیز تنباکو حسابلنهدی.
معلوم قیلینیشیچه، افغانستانده یاشلر، اینیقسه اۉسمیر اۉغیل بالهلر آرهسیده تنباکو محصولاتلرینی استعمال قیلیش درجهسی آرتیب بارماقده.
