ایران عامهوي اخبارات واسطهلرینینگ خبر بېریشیچه، بیرینچی مرته روسيهگه تېگیشلی یاقیلغی یوکلری تېمیر یۉلی آرقهلی ایران یۉنهلیشیدن افغانستانگه کیریب کېلماقده.
ایلنا خبر گزارلیگی بوگون (شنبه، ۹جوزا) انزلی اېرکین اقتصادي حدودی تشکیلاتی باشلیغی مصطفی طاعتی مقدمگه تهیهنیب یازیشیچه، اوشبو یوک کاسپين دېنگیزی آرقهلی کاسپين پورتیگه آلیب کېلینگن و تېمیر یۉلی آرقهلی افغانستانگه جۉنهتیلماقده.
اونینگ ایتیشیچه، بو یوک۵۰۰۰ تُن یاقیلغیدن عبارت.
طاعتی مقدمگه کۉره، اوّل روسيه یوکلری نینگ ترانزیتی دېنگیز–یۉل یۉنهلیشیده عملگه آشیریلگن، بو سفر اېسه بیرینچی مرته دېنگیز–تېمیر یۉلی یۉنهلیشی ایشلهتیلماقده.
انزلی اېرکین حدودی باشلیغی بو جریان لاگیستیکه خرجتلرینی کمهیتیریش، اتوموبیل یۉللریدهگی تیربندلیکنی قیسقرتیریش و ترانسپورتدن کېلیب چیقهدیگن اېکالاگیک معمالرنی کمهیتیریشده مهم قدم بۉلیشینی ایتگن.
ایران-افغانستان اۉرتهسیدهگی یگانه تېمیر یۉلی یۉلهگی بۉلگن «خواف–هرات» یۉنلیشی ایلگری 2023-ییلگچه اېران یوکلرینی تشیشده ایشلهتیلگن.
اېندی اېسه اوشبو یۉلک کاسپين پورتیگه اولنیب، روسيه یوکلرینینگ هم ایران آرقهلی، کاسپين دېنگیزی یۉلی بیلن افغانستانگه یېتیب کېلیشینی ممکن قیلماقده.
