پاکستان یېتکرمهلرینینگ خبر بېریشیچه، سهیل افریدي خیبر پختونخوا ایالتینینگ ینگی باش وزیری اېتیب تعیینلنگن.
جیو نیوزنینگ معلوماتیگه کۉره، او سابق باش وزیر و حاضرده قماقده بۉلگن پاکستان تحرک انصاف حزبی رهبری عمرانخان تامانیدن اوشبو لوازمگه نامزاد صفتیده ایلگری سوریلگن اېدی.
سهیل افریدي یقینده استعفاگه چیققن علی امین گندهاپور اۉرنینی اېگهلهیدی. گنداپور عمرانخاننینگ التماسیگه بناءً لوازمیدن کېتگن اېدی.
حاضرده افریدي ایالتنینگ عالي تعلیم وزیری صفتیده فعالیت یوریتماقده و او طلبهلیک دوریدن بېری تحرک انصاف حزبی نینگ اعضاسی بۉلیب کېلگن.
جیونیوز، سهیل افریدي ۲۰۲۴-ییلگی پاکستان عمومي سیلاولریده ایلک بار اشتراک اېتگن و کتّه فرق بیلن مسلمان لیگهسی حزبی نامزادینی مغلوب اېتگن.
او سیلاودهگی غلبهدن سۉنگ ایالت حکومتیگه قۉشیلگن و دستلب علی امین گنداپور تامانیدن علاقه و محنت بۉییچه یاردمچی اېتیب تعیینلنگن، بیراق کېینچهلیک ولایت نینگ عالي تعلیم وزیری لوازمیگه کۉتریلگن اېدی دېب یازگن.
خیبر پختونخوا ایالتی افغانستان بیلن چېگرهداش، اهالیسی کۉپ و پاکستاننینگ اېنگ مهم حدودلریدن بیری حسابلنهدی.
طالباننینگ افغانستانده حاکمیتنی قَیته اېگهلهگنیدن سۉنگ، بو ایالتده زۉراورلیکلر و تیتیپی (پاکستان طالبان حرکتی) هجوملری سېزیلرلی درجهده آشگن.
