امریکا جمهور رییسی دونالد ترامپ و ایران جمهور رییسی مسعود پزشکيان۱۴ مادّهدن عبارت «اۉزارا کېلیشوو»نی امضالهدی.
بوگون (پنجشنبه،۲۸ جوزا) تانگده آق اوی ایران و امریکا اۉرتهسیدهگی کېلیشوو متنینی نشر قیلگنیدن بیر نېچه ساعت اۉتیب، ترامپ و پزشکيان نینگ حجتنی امضالش جریانیگه عاید صورتلر هم ترقهتیلدی.
آق اوی تامانیدن نشر قیلینگن صورتلرده ترامپ پاریسده ورسای سراییده، فرانسه جمهور رییسی امانوئل مکرون هم اونینگ یانیده تورگن حالده، ایران بیلن توزیلگن «اۉزارا کېلیشوو»نی امضالهیاتگنی عکس اېتگن.
آرهدن کۉپ اۉتمهی، ایراننینگ دولت اخبارات آژانسی ایرنا هم مسعود پزشکيان نینگ حجتنی امضالهیاتگن صورتلرینی اعلان قیلدی.
صورتلرده پزشکيان ترامپ تامانیدن اوّلدن امضالنگن برچه صحیفهلرگه اۉز امضاسینی قۉیهیاتگنی کۉرینهدی.
هر ایکّی جمهور رییس حجتنی رقملی اصولده امضالب، امضالنگن نسخهلرنی اۉزارا المشگن.
ایران و امریکا اۉرتهسیدهگی کېلیشوو متنی انگلیس و فارس تیللریده تیارلنگن. آق اوی اعلان قیلگن صورتلرده ترامپ کیېلیشوونینگ فارسچه نسخهسینی امضالهیاتگنی تصویرلنگن.
ایکّی دولت اۉرتهسیدهگی یکوني کېلیشوونی امضالش مراسمی اېرتهگه (جمعه،۲۹ جوزا) سویسده بۉلیب اۉتیشی رېجهلشتیریلگن.
