پاکستاننینگ سابق باش وزیری انوارلحق کاکر افغانستان نینگ سابق پادشاهی عبدالرحمنخاننینگ هزارهلرگه نسبتاً سیاستینی آلمان نازیلر رهبری آدولف هیتلرنینگ یهوديلرگه قرشی سیاستیگه اۉخشهتدی.
«اردو اینترنشنال» خبریگه کۉره، کاکر اسلام آبادده اۉتکزیلگن «هزاره مدنیتی کونی» مراسمیده عبدالرحمان دورینی افغانستاندهگی نازیلر تجربهسی دېب اتهب، او «هیتلر یهوديلرگه قیلگن ایشنینگ عیناً اۉزینی عملگه آشیرگنینی» ایتگن.
پاکستان نینگ سابق باش وزیری انوارالحق کاکر اوشبو مراسمده هزارهلر مدنیتینی بای مدنیت صفتیده تعریفلب، اولرنی «سانسکریت میراثخۉرلری، تورکي خلقلر میراثخۉرلری، اوپانیشادلر و ودالر میراثخۉرلری، قرآن میراثخۉرلری، انگلیس تیلی و فارس تیلی میراثخۉرلری» دېب تعریفلهگن.
افغانستان نینگ سابق پادشاهی عبدالرحمن ۱۸۹۱-۱۸۹۳ییللر آرهلیغیده هزارهلرنی «قیرغین قیلیش» و «نسلکشلیک»ده عیبلنهدی.
تاریخي حجتلرگه کۉره، او ۱۸۹۱-ییل ۲۵-سپتامبر کونی هزارهلرنی عامهوي قیرغین قیلیش و مجبوري کۉچیریش حقیده بویروق چیقرگن. نتیجهده هزارهلر اهالیسینینگ یرمیدن کۉپی قیریب تشلنگن.
سۉنگّی ییللرده هزاره فعاللری۲۵-سپتامبرنی عبدالرحمنخان تامانیدن هزارهلر قیرغینی خاطره کونی صفتیده نشانلب کېلماقده همده افغانستانده «هزارهلر نسلکشلیگی»نی رسماً تن آلیشنی طلب قیلماقده.
