زکیه احمد ریور، افغانستانلیک کوهنورد قیز، دنیا نینگ اېنگ بلند چۉقّیسی بۉلگن اورستنی ضبط اېتیب، تاریخ یرهتدی.
«تیآرتی ورلد» خبریگه کۉره، ذکيه تیناوون اېرتهلب (پنجشنبه، ۳۱-ثور نپاللیک یۉلباشچیلری بیلن بیرگه نپال نینگ خُمبو منطقهسیدهگی «تیم» قیشلاغیدن یۉلگه چیقیب، بلندلیگی۸ مینگ۸۴۸ متر بۉلگن اورست چۉقّیسیگه یېتگن و شو طریقه بو چۉقّینی ضبط اېتگن ایلک افغانستانلیک عیالگه ایلنگن.
زکيه احمد ریور ۱۹۹۰-ییللرده غزنی ولایتی نینگ جاغوری اولواللیگیده «جادری» قیشلاغیده توغیلگن. طالبان افغانستانده قَیته حاکمیتنی اېگهلهگنیدن کېین او آسترلياگه کۉچیب کېتگن.
«اطلاعات روز» گزېتهسی بوندن آلدین باتفصیل گزارش تیارلب، اونینگ حیات یۉلی، کوهنورد بۉلیش قراری و اورستنی ضبط اېتیش آرزوسینی حکایه قیلگن اېدی.
او «اطلاعات روز» گزېتهسی بیلن صحبتده، دنیا نینگ اېنگ بلند چۉقّیسینی ضبط اېتگنیدن سۉنگ افغانستاندهگی عیاللرگه قندهی خبر بېرماقچی اېکنی حقیدهگی سوالگه جوابن شوندهی دېگن اېدی: «انسان هېچ قندهی شرایطده تۉختهب قالمسلیگی کېرهک. هر کیم نینگ اۉز قابلیبی بار و محنت همده متانت بیلن آرزولریگه اېریشیشی ممکن.»
ذکيه اورستنی ضبط اېتیشدن آلدین ایکّی آیدن آرتیق نپالده بۉلگن و رخصتنامه آلیش اوچون نپالدهگی باشقه بیر نېچه بلند تاغ چۉقّیلریگه هم چیققن.
