طالبلر باش وزیرینینگ اقتصادي مسألهلر بۉییچه اۉرینباسری ملاعبدالغنی برادر بلخگه سفری دوامیده حیرتان بندری خدمتلر ۲۴ ساعتلیک تیزیمگه اۉتکزیلیشینی معلوم قیلدی.
ملا عبدالغنی برادر چهارشنبه کونی (۳۰-ثور) طالبلرنینگ تورلی ادارهلریدن عبارت هیئت باشچیلیگیده بلخگه سفر قیلگن.
اونینگ ایتیشیچه، حیرتان بندرینی باشقریشده اشتراک اېتووچی ادارهلر بیلن همکارلیکده برچه بۉلیملرنینگ بخشلری کېنگهیتیریلهدی و چېگره اۉتیش بندری خدمتلری تون و کون فعال بۉلهدی.
طالبلر باش وزیرلیگی نینگ اقتصادی مساله لر بۉییچه ادارهسی نشر قیلگن معلوماتده «افغانستان و اۉزبېکیستان اۉرتهسیدهگی ایکّی تامانلهمه سودا حجمینی آشیریش» مقصدیده قبول قیلینگنی ایتیلگن.
طالبلر و اۉزبېکستان رسميلری جاري هجري-شمسي ییل نینگ حمل آییده حیرتان چېگره بندری ۲۴ ساعت ایشلش تیزیمیگه اۉتکزیش بۉییچه مذاکرهلرنی باشلهگن اېدی.
طالبلر و پاکستان اۉرتهسیدهگی حربي تۉقنهشوولردن سۉنگ تورخم ، سپین بولدک و بهرامچه چېگره اۉتیش جایلری یاپیلیب، مرکزي آسیا افغانستان نینگ اساسي اېکسپورت-ایمپورت یۉنهلیشلریدن بیریگه ایلنگن. حاضرده چین نینگ اَیریم محصولاتلری هم مرکزي آسیا تېمیر یۉلی ترماقلری آرقهلی افغانستانگه کیریب کېلماقده.
