طالبلر ارشاد، حج و اوقاف وزیرلیگی حج زیارتچیلرینی سعودیه عربستانیگه یېتکزیش جریانی یکونلنگنینی معلوم قیلدی.
وزیرلیک چهارشنبه کونی (۳۰-ثور) ترقهتگن بیاناتیده ۳۰ مینگ زیارتچی ۹۷ ته پرواز آرقهلی جیده و مدینه شهرلریگه یېتکزیلگنینی بیلدیردی.
بیاناتده زیارتچیلر بیلن بیرگه طبي گروهلر همده معلوم مقدارده دارو-درمانلر هم یوباریلگنی ایتیلگن.
جاري ییلده طالبلر هر بیر زیارتچیدن حج سفری اوچون ۲۶۶ مینگ افغانيدن آرتیق مبلغ آلگن بۉلیب، عمومي خرجت قریب سکّیز میلیارد افغانيگه یېتگن.
سۉنگّی هفتهلرده اَیریم زیارتچیلر اجتماعی ترماقلرده ویدیولر ترقهتیب، کتّه مبلغ تۉلگن بۉلسهلر-ده، یېترلی خدمت کۉرسهتیلمهیاتگنیدن شکایت قیلگن اېدی.
بعضی زیارتچیلر ترانسپورت خدمتلری، یشش جایی و طعام صفتی یوزهسیدن ناراضیلیک بیلدیرگن. ینه اَیریملری اېسه طالبان تامانیدن تعیینلنگن یۉلباشچیلر نینگ حج مراسملرینی یېترلیچه بیلمسلیگیدن شکایت قیلگن.
