منبعلرنینگ اطلاعات روز گزیتهسیگه معلوم قیلیشیچه، طالبان سابق حکومت جنراللریدن بیری «شعورگل پشتون»نی بیر نېچه کون اوّل کابلدن جسدلری تاپیلگن ایکّی عیالنینگ اۉلدیریلیشی عیبلاوی بیلن حبسگه آلگن.
منبعلرگه کۉره، سابق جنرال «دولت امکانیتلریدن فایدهلنیب اوشبو جنایتنی صادر اېتگنلیکده» عیبلنماقده.
دگرجنرال «شعورگل پشتون»، سابق حکومت دوریده مدافعه وزیرلیگی معاونی همده ۲۰۳تندر قول اردو قوماندانی بۉلیب ایشلهگن. او۲۰۲۳ییلده ینه بیر قطار سابق حربي عملدارلر بیلن بیرگه طالبانگه بیعت قیلگن اېدی.
مذکور سابق جنرالنینگ قچان و قهیېرده حبسگه آلینگنی حاضرچه انیق اېمس.
محلي منبعلر اۉتگن هفته پنجشنبه کونی اطلاعات روز گزیتهسیگه کابل شهری نینگ 17-ناحیهسیدن ایکّی عیالنینگ قانگه بېلنگن جسدی تاپیلگنی حقیده خبر بېرگن اېدی.
منبعلرگه کۉره، عیاللرنینگ جسدلری «مارشال فهیم یۉلی» اطرافیدهگی تېپهلیک اېتهگیدن محلي اهالی تامانیدن تاپیلگن.
خبرلرگه کۉره، اوشبو عیاللر تخمیناً۱۹ و۳۵ یاشده بۉلگن.
طالبان حاضرگچه بو عیاللرنینگ اۉلدیریلیشی و «شعورگل پشتون»، نینگ حبسگه آلینیشی حقیده رسمي بیانات بېرمهگن.
