طالبلرنینگ نورستان و قندهار ولایتیدهگی محلي مسووللری اوشبو ایکّی ولایتده ایکّی کیشینینگ اۉلدیریلگنی حقیده خبر بېردی.
کنرده طالبلرنینگ امنیه قومانداننلیگینینگ معلوم قیلیشیچه، بوگون (سهشنبه، ۲۹ثور) اېرتهلب ساعت۹:۰۰ اطرافیده پرون شهریده بیر اېرکک اۉلدیریلگن.
طالبالرنینگ نورستاندهگی امنیه قوماندانلیگی مطبوعات سۉزلاوچیسی احمد بشیر برکزادهنینگ ایتیشیچه، قرباننینگ اسمی محمد گُل بۉلیب، او «اده کنر» منطقهسیده اۉلدیریلگن.
اونینگ قۉشیمچه قیلیشیچه، طالبلر کوچلری اوشبو قاتللیک بیلن باغلیق حالده بیر کیشینی قۉلگه آلگن و تېرگاو دوام اېتماقده.
شو بیلن بیرگه، طالبلرنینگ قندهار ولایتی امنیه قوماندانلیگینینگ معلوم قیلیشیچه، مذکور ولایت دن اولسواللیگیده بیر قبیله آقسقالی اۉلدیریلگن.
طالبلرنینگ قندهاردهگی مطبوعات سۉزلاوچیسی اسدالله جمشیدنینگ ایتیشیچه، اوشبو آقسقال تیناوون کېچقورون دند اولسواللیگینینگ «کَلمتر قلعه» حدودیده نامعلوم قوراللی شخصلر تامانیدن اۉققه توتیلیب هلاک بۉلگن.
اونینگ ایتیشیچه، قاتللیکنی صادر اېتگنلرنی انیقلش و قۉلگه آلیش بۉییچه حرکتلر دوام اېتماقده.
طالبان افغانستانده حاکمیتگه قَیتگنیدن بېری مملکتنینگ تورلی ولایتلریده قاتللیک حالتلری سېزیلرلی درجهده کۉپهیگن.
کۉپلب حاللرده بو قاتللیکلر «نامعلوم قوراللی شخصلر»گه نسبت بېریلهدی و طالبان اولرنی انیقلش یاکه جزالش حقیده کمدن-کم معلومات بېرهدی.
