طالبلر رسميلری بدخشان و قندهار ولایتلریده یوز بېرگن ایکّی علیحده ترافیک حادثهسی عاقبتیده کمیده اوچ کیشی جان بېریب، ینه تۉرت کیشی یرهلنگنینی معلوم قیلدیلر.
طالبلرنینگ بدخشاندهگی امنیه قوماندانلیگینینگ بیلدیریشیچه، بوگون (چهارشنبه،۲۳ ثور) اېرتهلب ساعت ۹:۰۰اطرافیده ولایت نینگ راغاستان اولسواللیگیده یوز بېرگن ترافیک حادثهسی نتیجهسیده ایکّی کیشی جان بېرگن و باشقه تۉرت کیشی جراحتلنگن.
طالبلر امنیه قوماندانلیگی سۉزلاوچیسیاحسانالله کامگارنینگ ایتیشیچه، حادثه راغستان اولسواللیگینینگ « عالشیدیو» حدودیده صادر بۉلگن.
شونینگدېک، طالبلرنینگ قندهاردهگی ترافیک ادارهسی بوگون اېرتهلب «عینو مینه» شهرچهسیده یوز بېرگن ینه بیر ترافیک حادثهسی عاقبتیده بیر اۉقیتووچی هلاک بۉلگنینی بیلدیرگن.
قندهار ترافیک ادارهسی معلوماتیگه کۉره، اۉقیتووچی موترسیکلینینگ «ماریکس» روسومیدهگی موتر بیلن تۉقنهشووی عاقبتیده وفات اېتگن.
طالبان نینگ قندهاردهگی ترافیک ادارهسی هلاک بۉلگن اۉقیتووچی میزرا محمد همدرد اېکنینی، او حاضرگی اۉقیتووچی همده «تېمورشاهي» لیسهسی نینگ سابق مدیری بۉلگنینی معلوم قیلگن.
رسميلرگه کۉره، اوشبو ترافیک حادثهلریگه هیداوچیلرنینگ احتیاطسیزلیگی سبب بۉلگن.
