طالبلرنینگ نورستان ولایتی والیسی سۉزلاوچیسی فریدون صمیم اوشبو ولایتنینگ وانت اولسواللیگیده چقماق اوریشی عاقبتیده بیر عایلهنینگ اعضالری ضرر کۉرگنینی، بیر عیال هلاک بۉلیب، ینه ایکّی کیشی یرهلنگنینی ایتدی.
صمیمنینگ اطلاعات روزگه ایتیشیچه، حادثه یکشنبه کونی (۲۰ثور) توشدن کېین «دهوز» منطقهسیده یوز بېرگن.
اونینگ قۉشیمچه قیلیشیچه، واقعه عاقبتیده بیر عیال وفات اېتگن، یېتّی یاشلی قیز و بیر اېرکک اېسه یرهلنگن.
اونینگ سۉزلریگه کۉره، برچه جبرلنووچیلر بیر عایلهنینگ اعضالری بۉلگن.
یرهلنگنلر محلي شفاخانهگه آلیب باریلگن و اولرنینگ ساغلیغی حالتی «قانیقرلی» دېب بهالنگن.
بو آرهده، تیناوون ننگرهار ولایتی نینگ مهمند دره و بتی کوت اولسواللیکلریده هم چقماق اوریشی عاقبتیده ایکّی کیشی هلاک بۉلیب، ینه اوچ کیشی یرهلنگن اېدی.
چقماق اوریشی یاکه مامهقلدیراق تاکه جوده کوچلی الکتر آقیمی سببلی یوز بېرهدی؛ اونینگ قوّتی بعضاً میلیونلب ولتگه یېتیشی ممکن. او ثانیهنینگ بیر قِسمیده مییه و عصب تیزیمیگه ضرر یېتکزیشی، یورهک تۉختشی، نفس آلیش نینگ تۉختشی، کوچلی کوییشلر و حتا اۉلیمگه آلیب کېلیشی ممکن.
حمایهلنیش و خوفنی کمهیتیریش اوچون مامهقلدیراق و کوچلی یامغیر پیتیده درخت آستیده تورمسلیک، آچیق میدانده یاکه تېمیر بویوملر همده سوو یقینیده قالمسلیک، بنا ایچیده یاکه یاپیق جایده پناه تاپیش توصیه اېتیلهدی.
