هراتده طالبلر امنیه قوماندانلیگی مذکور ولایتنینگ ادرسکن اولسوالیگیده یۉلاوچی تشووچی بیر موترنینگ چپه بۉلیشی نتیجهسیده ایکّی کیشی جان بېریب و باشقه ۵۱ کیشی یرهلنگنی معلوم قیلدی.
مذکور قوماندانلیکنینگ بیر خبرنامه ده ایتیشیچه، ۴۰۴ رسوملی یۉلاوچی تشووچی بیر بس پنج شنبه کېچه (۱۷ثور) ادرسکن اولسواللیگیده هرات – کابل عمومی یۉلیده چپه بۉلگن.
خبرنامهگه کۉره، اوشبو موتر یۉلدن چیقیب کېتیب چپه بۉلگن.
حادثه هیداووچینینگ احتیاط سیزلیگی سبب یوز بېرگنی ایتیلهدی.
طالبلر اۉتگن ییل مملکت عمومی قتناوو یۉللریده ترافیک حادثهلرنینگ آلدی آلینیشی اوچون “چیپیاس” اۉرنتگنلری بارهسیده اعلام قیلگن اېدی.
لېکن اوشبو نظارتی سیسم نینگ موجودلیگیگه قرهمهی، اۉلیمی حادثهلر یوز بېرهدی و کۉپینچه پیتلرده حادثهنینگ یوز بېریشی تېز هیدهش و هیداووچینینگ احتیاط سیزلیگی سبب بۉلهدی.
