طالبلر رهبری هبتالله آخوندزاده ینگی فرمان چیقریب، طالباننینگ مخابرات تکنالوژی و معلومات وزیری حمدالله نعمانینی لوازمیدن چېتلهتیب همده بیر قطار والیلر همده امنیه قوماندانلرنی المشتیردی.
طالبلر سۉزلاوچیسی ذبیحالله مجاهد بوگون (دوشنبه،۱۴) ایکس اجتماعی ترماغیده یازیشیچه، اوشبو فرمانگه بناءً فاریاب ولایتینینگ سابق والیسی عبدالاحد فضلي مخابرات تکنالوژي و معلومات وزیری اېتیب تعیینلنگن.
شونینگدېک بادغیس ولایتینینگ سابق والیسی محمد حنیف حمزه فاریاب ولایتی والیسی، اقتصاد اۉرین باسرلیگینینگ مصلحتچیسی ملا محمد ولی جان بادغیس ولایتی والیسی، بغلان سابق والیسی عبدالرحمن حقّاني خوست ولایتی والیسی و خوست سابق والیسی عبدالله مختار اېسه بغلان ولایتی والیسی اېتیب تعیینلنگن.
ینگی فرمانگه کۉره، شونینگدېک، میدان وردک، بغلان، نیمروز و لوگر ولایتلرینینگ پولیس قوماندانلری همده اَیریم ولایتلر والیلرینینگ اۉرینباسرلری هم اۉزگرتیریلگن.
طالبان۲۰۲۱ییلده قَیته حاکمیتنی قۉلگه آلگنیدن بېری، هبتالله آخوندزاده دولت توزیلمهلریدهگی برچه تعیینلاو و لوازم اۉزگریشلرینی اۉز نظارتیگه آلگن و والیلر همده امنیه قوماندانلرنی تعیینلش صلاحیتینی باشقه ادارهلردن آلیب قۉیگن.
