بیرلشگن ملتلر تشکیلاتینینگ افغانستان بۉییچه مخصوص خبرچیسی ریچارد بنت، کمیده تۉرت نفر ژورنالیست و میدیا فعالی هنوز طالبان حبسیده اېکنینی معلوم قیلدی.
او بوگون (یکشنبه، ۱۳-ثور) ایکس اجتماعی ترماغیده نشر قیلگن پُستیده اوشبو ژورنالیستلر همده اۉزباشیمچهلیک بیلن حبسگه آلینگن باشقه شخصلرنی آزاد قیلیشگه چقیردی.
اونینگ قۉشیمچه قیلیشیچه «بونی عملگه آشیریش اوچون بوگوندن یخشیراق وقت یۉق، چونکه ۳ می خلق ارا مطبوعات اېرکینلیگی کونیگه تېنگ دیر»
ریچارد بنت اوّل هم علیحده بیانات بیلن چیقیب، قماققه آلینگن ژورنالیستلرنی آزاد اېتیشگه چقیرگن اېدی.
حاضرده طالبان قماقخانهسیده سقلنهیاتگن ژورنالیستلردن بیری حمید فرهادی بۉلیب، او کابلدهگی محلي ژورنالیست حسابلنهدی.
طالبان ایچکی ایشلر وزیرلیگی کوچلری اونی۲۰۲۴ییل ۳- سپتامبرده کابلدن حبسگه آلگن. کېینچهلیک او طالبان محکمهسی تامانیدن اوشبو گروهگه قرشی «پروپاگنده» قیلیش و اطلاعات روز گزېتهسی بیلن همکارلیک قیلیش عیبلاوی بیلن ایکّی ییلگه آزادلیکدن محروم اېتیلگن.
طالبان ۲۰۲۵-ییل ۲۸- مارچ کونی اونی هېچ قندهی ایضاح و آلدیندن آگاهلنتیریشسیز پلچرخی قماقخانهسیدن بگرام تورمهسیگه کۉچیرگن و او حاضرده شو یېرده سقلنماقده.
