انسان حقوقلری تشکیلاتی رواداری خلق ارا مطبوعات اېرکینلیک کونی مناسبتی بیلن افغانستانده اخباراتگه اېریشیش و سۉز اېرکینلیگی حالتی هنوز تشویشلی اېکنینی معلوم قیلدی.
مذکور تشکیلات بوگون (یکشنبه، ۱۳-ثور) نشر قیلگن پیامیده، طالبان حاکمیتگه قَیتگندن سۉنگ «یوزلب یېتکرمه فعالیتی تۉختهتیلگن و کۉپلب ژورنالیستلر ایشینی یۉقاتگن یاکه مملکتنی ترک اېتیشگه مجبور بۉلگن».
روادارینینگ قۉشیمچه قیلیشیچه، «شو دور مابینیده سېزیلرلی مقدارده ژورنالیستلر حبسگه آلینگن، تهدید قیلینگن و قییناققه سالینگن، حتا اَیریملری اۉلدیریلگن».
تشکیلاتنینگ تأکیدلشیچه، «سۉز اېرکینلیگینی حمایه قیلووچی ثمرهلی حقوقي تیزیم موجود بۉلمهگن شرایطده، عملدهگی حاکمیت (طالبان) عامهوی اخبارات واسطهلری فعالیتی اوستیدن کېنگ نظارت و قطعي چېکلاولرنی دوام اېتتیرگن.
طالبان افغانستان اوستیدن قَیته نظارتنی قۉلگه آلگنیدن سۉنگ مملکتده یېتکرمه و ژورنالیستلر فعالیتیگه کېنگ قمراولی چېکلاولر جاري اېتگن.
اوشبو گروه بیر نېچه بار عامهوی اخبارات واسطهلری ادارهلریگه باستیریب کیرگن، ژورنالیستلر و میدیا خادملرینی حبسگه آلگن همده اَیریم یېتکرمهلر فعالیتینی تۉختهتگن.
