طالباننینگ بدخشان ولایتی امنیه قوماندانلیگی معلوماتیگه کۉره، اوشبو ولایتده یوز بېرگن ترافیک حادثهسی عاقبتیده بېش کیشی، جملهدن بیر باله جان بېرگن، ینه ۱۱ کیشی جراحت آلگن.
بدخشان ولایتی امنیه قوماندانلیگینینگ سۉزلاوچیسی احسانالله کامگار حادثه تیناوون (پنجشنبه، ۱۰-ثور) کیشم-فیض آباد یۉلیده صادر بۉلگنینی ایتدی.
اونینگ قۉشیمچه قیلیشیچه، اوشبو واقعهده «لنکروزر» روسوملی یېنگیل موتر یوک موتری بیلن تۉقنهشگن.
حادثه سببلری حقیده معلومات بېریلمهگن.
بدخشان افغانستان ولایتلریدن بیری بۉلیب، او یېرده تېز-تېز اۉلیم بیلن یکونلنگن ترافیک حادثهلری یوز بېرهدی.
یۉللرنینگ تاغلی حدودلردن اۉتیشی و یۉللرنینگ یامان احوالی بوندهی حادثهلرنینگ اساسي سببلری صفتیده کۉرسهتیلهدی.
