طالبلر صنعت و تجارت وزیری نورالدین عزیزی کام ایر و آریانا افغان هوا یۉللری شرکتی مسووللری همده طیاره یاقیلغی وارد قیلووچی شرکتلر مسووللری بیلن اوچرهشیب، افغانستانده طیاره یاقیلغی تنقیصلیگی مسألهسینی بحث قیلدی.
طالبان صنعت و تجارت وزیرلیگی بوگون (پنجشنبه، ۱۰-ثور) نشر قیلگن بیاناتگه کۉره، اوچرهشووده بلیت نرخلرینینگ آشیشی و طیاره یاقیلغی تأمیناتی بیلن باغلیق باشقه معمالر هم کۉریب چیقیلگن.ص
صنعت و تجارت وزیری، حج زیارتچیلرینی سعوديه عربستانیگه تشیش جریانی دوام اېتهیاتگنینی اېسلهتیب، بلیتلر نرخینی نظارت قیلیش ضرورلیگینی تأکیدلهگن.
بیاناتگه کۉره، یۉلاوچیلر منفعتینی تأمینلش و چیپته نرخلرینی برقرار اوشلب توریش اوچون شرکتلر همده یاقیلغی تأمیناتچیلر دوچ کېلهیاتگن معمالرنی تېگیشلی ادارهلر آرقهلی حل قیلیش و تنقیصلیکنینگ آلدینی آلیش بۉییچه قرار قبول قیلینگن.
هرمز بۉغازی یاپیلیشی و ایران بیلن باغلیق وضعیتده دنیا بۉیلب، جملهدن افغانستانده هم نفت نرخلری کېسکین آشگن.
شو بیلن بیرگه، اَیریم اروپا مملکتلریده طیاره یاقیلغی جدّي تنقیصلیگی یوزهگه کېلگن، کۉپلب ییریک شرکتلر چیپته نرخلرینی آشیرگن یاکه یقین یۉنهلیشلردهگی سفرلرنی وقتینچه تۉختهتگن.
