(اوچا) سۉنگگی سوو تاشقینلری افغانستاننینگ بېش ولایتیده۶۱ ته ساغلیقنی سقلش مرکزیگه ضرر یېتکزگنینی معلوم قیلدی.
تشکیلات گزارشیگه کۉره، اوشبو مرکزلر قندهار، زابل، بادغیس، لوگر و ننگرهار ولایتلریده جایلشگن بۉلیب، ضرر کۉرگنیگه قرهمهی، اولرنینگ هېچ بیری فعالیتینی تۉلیق تۉختهتمهگن.
اوچا شونینگدېک، سېل عاقبتیده ننگرهارده۶۸ ته مکتب و مملکت جَنوبي حدودلریده ینه۵۵ ته مکتب ضرر کۉرگنینی بیلدیرگن. بوندن تشقری، شمالي و جَنوبي ولایتلردهگی باشقه مکتبلرگه هم ضرر یېتگنی حقیده خبرلر بار.
گزارشگه کۉره، ساغلیقنی سقلش و تعلیم مؤسسهلریگه یېتگن ضرر مینگلب آدملرنینگ طبي و تعلیم خدمتلریدن فایدهلنیش امکانیتینی چېکلب قۉیگن.
اوچانینگ تأکیدلشیچه، سېل خوفسیزلیک بیلن باغلیق معمالرنی هم کېلتیریب چیقرگن۱۴ مینگدن آرتیق کیشی، اینیقسه ضرر کۉرگن حدودلرده، جنسگه اساسلنگن زۉرآورلیک خوفی آستیده قالگن.
شونینگدېک، سېل پارتلهمهگن اۉق-داریلر بیلن باغلیق خوفلرنی هم آشیرگن.
اوچا انسانپرورلیک تشکیلاتلر یاردم کۉرسهتهیاتگنینی، اما عملیات چېکلاولر جملهدن، ضرر کۉرگن حدودلرگه کیریشدهگی قیینچیلیکلر، آستقورمهنینگ ویران بۉلیشی، مالی یېتیشماوچیلیک و بیر وقت نینگ اۉزیده یوز بېرهیاتگن بحرانلر، یاردم کۉرسهتیش تېزلیگی و کۉلمینی چېکلهیاتگنینی بیلدیرگن.
سۉنگگی قریب بیر آی ایچیده افغانستاننینگ تورلی ولایتلریده کوچلی یاغینگرچیلیک، سېل کېلیشی، اویلرنینگ قولشلری، یېر کۉچکیلری و کمیده بیر مرته زلزله صادر بۉلگن.
طالبلر معلوماتلریگه کۉره، اوشبو آفتلر عاقبتیده ۲۱۴ کیشی هلاک بۉلگن و۳۰۰ دن آرتیق کیشی جراحتلنگن.
