طالبلر تشقی ایشلر وزیری امیرخان متقی روسيه نینگ افغانستان بۉییچه مخصوص نمایندهسی ضمیر کابلوف بیلن اوچرهشیب، مذاکرهلر اۉتکزدی.
طالبلر تشقی ایشلر وزیری بوگون (سهشنبه، ۸ثور) نشر قیلگن بیاناتیده ایتیلیشیچه، تامانلر اوچرهشوو دوامیده سیاسي علاقهلرنی رواجلنتیریش و اقتصادي همکارلیکنی کېنگهیتیریش مسألهلرینی محاکمه قیلگن.
وزیرلیک قۉشیمچه قیلیشیچه، امیرخان متقی اوشبو اوچرهشووده طالبان و روسيه اۉرتهسیدهگی ایکّی تامانلهمه مناسبتلرنی ینه-ده کېنگهیتیریش ضرورلیگینی تأکیدلب، خصوصاً اقتصادي همکارلیکنی کوچهیتیریش، قۉشمه اقتصادي کمیسیوننی فعاللشتیریش همده سیاسي مصلحتلشوولر اوچون عمومي میکانیزم یرهتیشنی تکلیف قیلگن.
وزیرلیک معلوماتیگه کۉره، ضمیر کابلوف اۉز مملکتینینگ طالبان بیلن، اینیقسه سودا، انرژی و ترانزیت ساحهلریده اقتصادي همکارلیکنی عملگه آشیریشگه تیارلیگینی بیلدیرگن.
بیاناتگه کۉره، روسيه نینگ مخصوص نمایندهسی شونینگدېک افغانستان بیلن علاقهلرنی قۉشمه اقتصادي لایحهلر، آستقورمه لایحهلر ساحهسیدهگی همکارلیک آرقهلی مستحکملشنی، اقتصادي علاقهلرنی اېسه منطقوي برقرارلیک بیلن اویغون حالده رواجلنتیریشنی ایستشینی تأکیدلهگن.
طالبان تشقی ایشلر وزیرلیگی تامانلر منطقهدهگی وضعیت همده قۉشنی دولتلر بیلن علاقهلرنی مستحکملش مسألهلرینی هم محاکمه قیلگنینی، شونینگدېک ملاقات و منطقوي برقرارلیکنی تأمینلش اوچون قۉشمه سعی-حرکتلر ضرورلیگینی تأکیدلهگنینی بیلدیرگن.
قید اېتیلیشیچه، طالبان و روسيه سۉنگگی تۉرت ییل ایچیده کېنگ سیاسي و اقتصادي علاقهلرنی یۉلگه قۉیگن. حاضرده روسيه دنیاده افغانستاندهگی طالبان حکومتینی رسماً تن آلگن یگانه دولت حسابلنهدی.
