طالبلر تشقی ایشلر وزیرلیگینینگ بیان قیلیشیچه، کنر بیلیم یورتیده اویوشتیریلگن هجوم همده دیورند چیزیغی بۉیلب تینچ اهالی نشانلری و جماعت تاسیساتلریگه قیلینگن ضربهلرگه جوابن، پاکستاننینگ کابلدهگی اېلچیسینی عبیدالرحمان نظامانی چقیرتیریلیب، اونگه رسمي ناراضیلیک مکتوبی تاپشیریلگن.
مذکور وزیرلیک بوگون (سهشنبه، ۸-ثور) نشر قیلگن بیاناتیده ایتیشیچه، «افغانستان هوا حدودینینگ بوزیلیشی و تینچ اهالیگه هجوملر کېسکین قارهلنهدی همده بو مملکت حدودي یخلیتلیگینینگ آچیق بوزیلیشی، خلق ارا معیارلرگه ضد تحرکآموز حرکت» دېب بهالنهدی.
طالبان تشقی ایشلر وزیرلیگی پاکستاننینگ «زۉروانلیک ایلدیزلری افغانستاندن چیقهدی» دېگن دعواسینی قطعا رد اېتیب، بو حالتنینگ اصل سببلری چوقور اۉرگنیلیشی کېرهکلیگینی تأکیدلهگن.
شونینگدېک، وزیرلیک اوشبو گروه «اۉز حدودی و خلقینی حمایه قیلیش حقوقینی سقلب قالیشینی» بیلدیرگن همده پاکستاندن بوندهی حرکتلردن تيیلیشنی طلب قیلگن.
بیاناتده آگاهلنتیریلیشیچه، اگر بوندهی «مسوولیتسیز حرکتلر» دوام اېتسه، جدّي عاقبتلرگه آلیب کېلیشی ممکن.
تیناوون توشدن کېین پاکستان کنر ولایتینینگ تورلی حدودلرینی، جملهدن اسعدآباد شهریدهگی نشانگه آلگن.
طالبان معلوماتلریگه کۉره، اوشبو هجوملرده کمیده۷ کیشی هلاک بۉلگن و ینه 75 کیشی، جملهدن۳۰ نفر طلبه و اۉقیتووچی جراحتلنگن.
