طالبلرنینگ ایچکی ایشلر وزیری سراجالدین حقانی ایراننینگ کابلدهگی اېلچیسی علی رضا بیکدلی بیلن اوچرهشوو و مذاکره اۉتکزگن.
طالبان ایچکی ایشلر وزیرلیگی سۉزلاوچیسی عبدالمتین قانع بوگون (سهشنبه،۸-ثور) ایکس اجتماعي ترماغیده نشر قیلگن پُستیده اوشبو اوچرهشووده ایکّی قۉشنی دولتگه عاید اَیریم مسألهلر محاکمه قیلینگنی، بیراق باتفصیل معلومات بېریلمهگنینی یازگن.
ایران نینگ کابلدهگی اېلچیخانهسی هم اوشبو اوچرهشوونی تصدیقلب، «ایکّی تامانلهمه مناسبتلر و منطقهدهگی سۉنگگی واقعهلر محاکمه و فکر المشوو موضوعسی بۉلگنینی» بیلدیرگن.
طالبلر و ایران سۉنگگی تۉرت ییلدن آرتیق وقت دوامیده کېنگ سیاسي و اقتصادي علاقهلرنی سقلب کېلماقده، بیراق چېگره مسألهلری و هلمند دریاسی سوویدن فایدهلنیش حقوقی بۉییچه اۉرتهده کېلیشماوچیلیک و ترنگلیکلر هم موجود.
امریکا و اسرایلنینگ ایرانگه قرشی اوروشی باشلنگچ، طالبان بو هجوملرنی قارهلهگن، بیراق عینِ پیتده ایراننینگ فارس کۉرفزی دولتلریگه قیلگن هجوملرینی تنقید قیلگن.
