طالبلرنینگ بدخشان ولایتیدهگی محلي رسميلرینینگ معلوم قیلیشیچه، تشکان اولسواللگیده ایکّی عایله اۉرتهسیده یوز بېرگن قوراللی تۉقنهشوو نتیجهسیده ایکّی کیشی جان بېرگن ینه بیر کیشی جراحتلنگن.
طالبلرنینگ تشکان اولسواللیگی اولسوالی اۉرینباسری احمد متوکلنینگ ایتیشیچه، واقعه دوشنبه کونی (۷ثور) تخمیناً ساعت ۴:۰۰اطرافیده تشکان اولسواللیگیدهگی «خانقاه» قیشلاغیده یوز بېرگن.
اونینگ قۉشیمچه قیلیشیچه، هلاک بۉلگنلر «تېمورشاه» و «وثیقالله» اسملی شخصلر بۉلگن، جراحت آلگن اېسه «سید توفیقالله» دېب اتلهدی.
طالبان رسميلریگه کۉره، جراحتلنگن شخص دوالنیش اوچون قندوز ولایتیدهگی چېگره بیلمس شفاکارلر شفاخانهسیگه آلیب کېتیلگن. شونینگدېک، واقعه بیلن باغلیق بیر گمانلنووچی حبسگه آلینگن.
طالبلرنینگ اوشبو محلی مسووللری تۉقنهشوو سببینی «ناموس بیلن باغلیق مسأله» دېب ایضاحلهگن.
