منبعلرگه کۉره، کنر ولایتیده جایلشگن سرکانو اولسواللیگی و پاکستاننینگ باجور اولسواللیگی منطقهلریدهگی قبیله آقسقاللری طالبلر و پاکستان اۉرتهسیدهگی اوروشنی توگهتیش همده تینچلیککه اېریشیش اوچون واسطهچیلیک حرکتلرینی باشلهگن.
سرکانو اولسواللیگیدهگی بیر قبیله آقسقالی اطلاعات روزگه ایتیشیچه، اولر حاضرگچه باجور آقسقاللری بیلن ایکّی مرته اوچرهشوو اۉتکزیب، اۉت آچیشنی تۉختهتیش و تینچلیک مسألهلرینی محاکمه قیلگن.
اونینگ سۉزلریگه کۉره، بیرینچی اوچرهشوو اۉتگن هفته چهارشنبه کونی، ایکّینچیسی اېسه شنبه کونی (۵-ثور) بۉلیب اۉتگن.
مذکور آقسقالنینگ ایتیشیچه، سرکانو اولسواللیگیدهگی قبیله یېتکچیلری بو اوچرهشوولرده طالبلر رخصتی بیلن اشتراک اېتگن.
او ینه قۉشیمچه قیلگنیدېک، اوچرهشوولرده پاکستاننینگ، اینیقسه کنر ولایتیگه نسبتاً عملگه آشیرهیاتگن راکت و هوا هجوملرینی تۉختهتیش، ایکّی تامان اۉرتهسیدهگی چېگرهوي تۉقنهشوولرگه برهم بېریش و اۉت آچیشنی تۉختهتیش مسألهلری محاکمه قیلینگن.
بو قبیله آقسقالی حاضرچه انیق نتیجهگه اېریشیلمهگنینی، اما مذاکرهلر دوام اېتیشینی تأکیدلهگن.
طالبلر و پاکستان اۉرتهسیدهگی تۉقنهشوولر باشلنگنیدن بویان کنر ولایتی اوشبو ضدیت نینگ اساسي مرکزلریدن بیری بۉلیب قالماقده. پاکستان بیر نېچه بار اوشبو ولایتنینگ چېگرهوي حدودلرینی هوا و راکت هجوملریگه توتگن، نتیجهده محلي اهالیگه کتّه تلفات و ضرر یېتگن.
