امریکا جمهور رییسی دونالد ترامپنینگ ایتیشیچه، اۉزی و روسیه جمهور رییسی ولادیمیر پوتین اوکراین اورشیگه پایان بېریش بارهسیده مذاکره قیلیش مقصدیده کېیینگی اوچرهشوو مجارستاننینگ بوداپستیده اۉتکزیلیشی اوچون کېلیشگنلر.
او، بو موضوعنی کېچه (پنجشنبه۲۴ میزان) روسیه جمهور رییسی بیلن تیلفونی صحبت اۉتکزگندن سۉنگ معلوم قیلدی.
روسیه جمهور رییسی نینگ دستیاری یوری اوشاکوف، پوتین و ترامپ نینگ کېیینگی اوچرهشووی بوداپستده اۉتکزیلیشینی تصدیقلهدی.
اونینگ سۉزلریگه کۉره، روسیه و امریکا، ترامپ و پوتین نینگ بوداپست ده اۉتکزیلهجک اوچرهشووی نینگ دستلبکی تیارگرلیگینی کۉرهدی.
ترامپ آق اویگه قدرتگه قیتگندن سۉنگ، بیرینچی مرته میلادی جاری ییل آگست آیینینگ اۉرتهلریده آلاسکاده ولادیمیر پوتین بیلن کۉریشگن اېدی.
اولر اوشبو اوچرهشووده اوکراین اوروشیگه پایان بیریشنی محاکمه قیلگن اېدیلر، لېکن بو خصوصیده کېلیشووگه اېریشمهگن اېدیلر.
بو ملاقاتدن سۉنگ، دونالد ترامپ بیر نېچه بار روسیه جمهور رییسیدن «امیدسیز» اېکنی و اوکراین اوروشی یکونلنمهگن حالده، او مملکت برابریده آغیر تحریملر قۉییشی ممکن لیگنی بیلدیرگن اېدی.
شونینگدېک هر ایکّی مملکت جمهور رییسلری اوچرهشمدن آلدینگ روسیه و امریکا بلند مرتبهلی هیاتلری کېلگوسی هفته اوچرهشهدیلر.
جمهور رییس ترامپ، امریکا هیاتیگه بو مملکت تشقی ایشلر وزیری مارکو روبیو باشچیلیک قیلهدی دېب ایتگن.
