رویترز خبرگزارلیگینینگ امریکالیک رسمیلریگه تهیهنیب خبر بېریشیچه، اسرایل و لبناندهگی حزبالله بوگونگی کېسکین تۉقنهشوولردن سۉنگ اۉت آچیشنی تۉختهتیش بۉییچه کېلیشووگه اېریشگن.
خبرگه کۉره، صلح بوگون (جمعه،۲۹جوزا) لبنان وقتی بیلن ساعت۴:۰۰دن کوچگه کیرهدی.
رویترز معلوماتیگه کۉره، اوشبو کېلیشوو امریکا، قطر و ایران واسطهچیلیگیده عملگه آشیریلگن.
بوگون تانگدن جَنوبي لبنانده اسرایل و حزبالله اۉرتهسیدهگی جنگلر کېسکینلشیب، امریکا و ایران اۉرتهسیدهگی یکوني مذاکرهلرگه هم خوف توغدیرگن اېدی.
تۉقنهشوولر عاقبتیده کمیده تۉرت کیشی اسرایل عسکری هلاک بۉلگن. شوندن سۉنگ اسرایل جَنوبي لبناندهگی۸۰ دن آرتیق نشانگه ضربه بېرگن.
لبنان ساغلیقنی سقلش وزیرلیگی معلوماتیگه کۉره، اسرایل هجوملری عاقبتیده۲۰ دن آرتیق کیشی جان بېرگن.
اسرایل تامانی حزبالله صلحنی بوزگنیدن کېین گروه نینگ پازیتسيهلری و کوچلریگه ضربه بېرگنینی بیلدیرگن.
ایران اېسه اسرایل نینگ جَنوبي لبناندهگی هجوملرینی امریکا بیلن اېریشیلگن کېلیشووگه ضد دېب حسابلهماقده و مذاکرهلرنی دوام اېتتیریش اوچون هجوملرنینگ تۉلیق تۉختهتیلیشینی طلب قیلماقده.
