طالبلرنینگ بدخشان ولایتی امنیه قوماندانلیگینینگ معلوم قیلیشیچه، کوفآب اولسواللیگی اهالیسی بۉلگن تۉرت کیشی قار کۉچکیسی عاقبتیده جان بېرگن.
رسميلرنینگ ایتیشیچه، اولر ایش ایزلب راغستان اولسواللیگیگه کېتهیاتگن پیتده یۉلده، «آقوبه شاله» منطقهسیده قار کۉچکیسی آستیده قالیب، حیاتدن کۉز یومگن.
قۉشیمچه قیلینیشیچه، قربانلرنینگ جسدلری بوگون قار آستیدن چیقریب آلینگن.
بو جاري ییلده قار کۉچکیسی سبب قید اېتیلگن ایلک اۉلیم حالتی حسابلنهدی.
اوّلگی ییللرده هم، اینیقسه بدخشان ولایتیده، قار کۉچکیلری عاقبتیده آدملرنینگ هلاک بۉلیشی حالتلری بیر نېچه بار قید اېتیلگن.
